بسم الله الرحمان الرحيم
شعر لولاك ما خط القلم بأبيض البوك
أقف ربع ساعة ابسمع كلامك
وأعطيك من شي به القلب متكوك
واكحل أعيوني قبل تمشي بصورك
حيث أن قلبي لك من العام مملوك
هذي حسب عرفي كتبته هديك
ولولاك ما خط القلم بأبيض ألبوك
حبك شمع بالقلب ما ظن ينفك
مهما حصل اظن ماهوب مفكوك
احبك اكثر من غلى أبوك وأمك
وأظن حبي لك يغطي غلى أبوك
بالقلب رشاشات يسقن محبك
لما استوى النوار والورد والشوك
وكنه على قلبي ظهر باسمكم صك
أو ورثه جدك ومن بعده أبوك
ومحتار من زين الكلام وبلاغك
قلبي لكم يلعب كما يلعب الدوك
الله بلاني بك وأنا قبل منفك
لمك يجرن دافع الحب بسلوك
رمح المحبة بالضماير دخل شك
ذبحتني من دون ذنب ولا صوك
بأشقر فليل مغطي نصف جسمك
طبيعي ما هو على شكل باروك
ليتك قريب وكل جمعة نزورك
مير البلا دونك مطابيق ودكوك
بعدك عني بعد أم درمان عن رك
ويرتاع قلبي كل ماحل واطروك
لامن تالي الليل هجس الهوى دك
قمت اتقلب كن في مرقدي شوك
وذكرت ماضينا وصافي صداقك
الله يصد اللي عني غصب صدوك
ويوم أشوفك به ترى عندي ابرك
من ايام عمري عندنا يوم مبروك
ولاهب نسناس الهوى أشم ريحك
ريح الشمالي تقل بالطيب مفروك
وهمك على قلبي يضك الحشا ضك
كني سجين ودونه الباب مصكوك
حنت خلوج ومثله القلب حنك
والقلب من بعدك كما الطير مشبوك
وعودت عيني ما تبي غير شوفك
الله يجازي اللي عن الدار شالوك
لو المنى ينفع تمنيت قربك
واشريك بغالي الثمن لو هم اغلوك
مر الله على جيب يرك الوعر رك
من جدته ما قيل لي يوم مفكوك
جديد ما عمره مع السلف يشرك
ولا عدل الصدام من سحبت ألهوك
ومضمون عند الزقدي يوم حرك
عذروبه القيمة على مثل يحوك
ابشلحك عليه من حيث أدلك
وان دار ويل الجيب ماهوب ممسوك
وازبن على اللي ما بطيبة لنا شك
رجل بصعبات ألموا جيب مبروك
الاشعل الفيصل بواجد يعوضك
هو مز بني لدك بالقلب داكوك
في راس عيطى لزبنته يفكك
زبنك اليمن الرديين خلوك
الحر الأشقر في هداده يثيبك
والبوم لا يجذب ولاهوب مشبوك
أحذر عن العفن الردي لا يحوشك
ويبين لك قدر الرجاجيل لاجوك
وبالطيب دايم راع الطيب يدرك
واللي الردي ما ينفعك لوهو أخوك
يصك بابه لابدا لازمك صك
ويحط في دربك عراقيل وشبوك
ومن أبو عدي نبي المشورة ورأيك
حيث أنت من ناس لهم رأي مبروك
احكم مما تسمع ومحتاج شورك
يا فرحت اللي بالملازيم نادوك
ماحد يعارض لصدر صك حكمك
حكيم رأي وقبلي الناس عرفوك
تمون واعتبر القضية قضيك
اركب بحر شعرك على لوح سمبوك
للشآعر
ابراهيم الرديعان
موضوع: شعر لولاك ما خط القلم بأبيض البوك 
